د حیواني علومو ډيپارټمنټ
د حیواني علومو ډيپارټمنټ پېژندنه (Animal Sciences Department)
۱. تاریخچه او اکاډمیک ځایګی
- د حیواني علومو ډيپارټمنټ د بادغیس د لوړو زده کړو موسسې په چوکاټ کې یو له لومړنیو رامنځته شویو ډيپارټمنټونو څخه دی چې په ۱۳۸۹ کال کې یې په رسمي ډول خپل علمي او ښوونیز فعالیتونه پیل کړي دي.
- دا ډيپارټمنټ د لیسانس په کچه محصلین مني او موخه یې د هېواد د مالدارۍ د صنعت او حیواني علومو د ښه والي لپاره د متخصصینو د نوي نسل روزل دي.
۲. لیدلوری او ماموریت (Vision & Mission)
- لیدلوری: د داسې متخصصینو روزل چې د حیواني علومو د صنعت د ښه والي، د تولید د کچې د لوړولو، د خوړو د خوندیتوب د تامین او د طبیعي سرچینو د ساتنې لپاره د نویو او دوامدارو حل لارو د وړاندې کولو وړتیا ولري.
- ماموریت: په بېلابېلو برخو کې د محصلینو روزنه، د مالدارۍ د حوزې د ننګونو د حل لپاره د تطبیقي څېړنو ترسره کول او د تغذیې، روغتیا او د رمو د مدیریت اړوندې پوهې د لوړولو په موخه د نویو ټکنالوژیو دودول.
۳. ښوونیز جوړښت او مهارتونه
- په دې ډيپارټمنټ کې تحصیلي دوره څلور کاله (اته سمسټره) ده او محصلین د فراغت لپاره د ۱۶۲ درسي کرېډیټونو بشپړولو ته اړ دي.
- د دې څانګې فارغان لاندې مهارتونه ترلاسه کوي:
- د حیواني فارمونو د مدیریت او ادارې وړتیا.
- د کورنیو څارویو او چرګانو د روزنې پر علمي اصولو برلاسی.
- د تغذیې، نسل اخیستنې، د لبنیاتو د تولید، مچۍ روزنې او کبانو روزنې له نویو میتودونو سره بلدتیا.
- د اکاډمیکو اخلاقو ارزښتونو او د هېوادپالنې روحیې ته پاملرنه او له هر ډول تبعیض څخه ډډه کول.
۴. کلیدي ښوونیزې موخې
- د نسل د اصلاح، خوراکي جیرې ټاکلو او د روزنې د سیسټمونو په برخو کې د تخصصي زده کړو وړاندې کول.
- د تولید د لګښتونو د کمولو او د مالدارۍ په صنعت کې د ګټورتیا د زیاتوالي لپاره د علمي څېړنو ترسره کول.
- د کار بازار ته د محصلینو د چمتو کولو لپاره په کروندو او فارمونو کې د عملي زده کړو (کارآموزۍ) د بسترونو رامنځته کول.
- د هغو دوامدارو میتودونو دودول چې د چاپیریالي اغېزو په کمولو کې مرسته کوي.
۵. کاري ساحې او کاري فرصتونه
د دې ډيپارټمنټ فارغان کولای شي په لاندې برخو کې دندې ترسره کړي:
- د کرنې، اوبولګولو او مالدارۍ وزارت (د مالدارۍ، حیواني روغتیا او لبنیاتو ریاستونه).
- د کرنې ولایتي ریاستونه او دولتي حیواني کلینیکونه.
- د واکسین او حیواني درملو د تولید مرکزونه.
- د کرنیزو څېړنو برخې او ښوونیز او څېړنیز فارمونه.
- په خصوصي سکتور کې د مالدارۍ صنعت ته د تخنیکي مشورو وړاندې کول.
۶. درسي کریکولم (کلیدي مضمونونه)
د دې ډيپارټمنټ په درسي نصاب کې بېلابېل مضمونونه شامل دي، له هغې جملې:
- عمومي زولوژي، اناتومي او حیواني فزیولوژي.
- حیواني تغذیه، د جیرې ټاکل او د څړځایونو علم.
- د غویانو، پسونو، وزو، اسونو، اوښانو او چرګانو روزنه.
- د لبنیاتو علم، حیواني نسل اخیستنه او وراثت.
- مچۍ روزنه، کبان روزنه او پیله وري.